曼城今季签入挪威神锋艾宁夏兰特，令人充满期待，但身为「蓝月亮」史上入波最多嘅球员阿古路，就认为呢位「接班人」需要一段时间适应英超比赛节奏，季初未必可以交出好表现。

阿古路话：「夏兰特需要时间适应英超，同埋领队哥迪奥拿要求非常高，要达到佢嘅要求并唔容易，我身为过来人，知道当中嘅困难，大家要畀多啲时间夏兰特，但我相信呢段适应期唔会好长。」

阿古路认为艾宁夏兰特一定可以融入曼城，就好似自己当年一样，只要适应英超节奏，入波就好容易。

艾宁夏兰特之前效力多蒙特，上阵89场入86球，效率极之高，但普遍舆论认为英超比德甲难踢，加上呢位射手经常受伤，未必可以交出之前嘅入球数字。