一直「呻穷」嘅巴塞隆拿，周五(15日)正式宣布巴西翼锋拉芬夏比洛尼加盟，转会费高达6,500万欧元。拉芬夏通过体测後签约4年，佢喺发布会入面表示自细封朗拿甸奴做偶像，加盟巴塞隆拿都系受「细哨」影响。

25岁嘅拉芬夏表示：「非常荣幸成为巴塞隆拿球员，我有好多个偶像都喺巴塞隆拿取得成功，我都想跟佢哋一样。我由朗拿甸奴开始爱上巴塞隆拿，迪高、尼马都系我模范球员，就系佢哋令到我梦想为巴塞隆拿赢得冠军。」

拉芬夏对巴塞隆拿系「非君不嫁」，列斯联原本已接纳车路士收购，不过拉芬夏就拒绝转会，死都要等到巴塞隆拿出手，最终双方都成功达成协议，令拉芬夏可以梦想成真。