近日西班牙媒体疯传，马德里体育会将进行收购C朗拿度计划，不过消息曝光後反应激烈，大批马体会球迷喺网上发起「反C朗运动」，有粉丝甚至威胁如果球队真系签C朗，会放弃会员资格作为抗议，群情汹涌。

大批马体会球迷喺twitter以「Contra CR7」(反C朗)做hashtag，呼吁大家一齐反对马体会收购C朗，球迷纷纷踊跃留言：「如果真系签C朗，我会取消会员资格，马体会唔系收留渣滓嘅庇护所」、「我宁愿用卡路士马田(马体会B队前锋)输波，都唔想用C朗赢波」、「马体会嘅价值比起C朗嘅入球更珍贵」。

C朗效力皇家马德里9年间，同宿敌马体会当然结下唔少怨，包括2014年、2016年欧联决赛击败马体会，2017年欧联4强亦系C朗嘅皇马淘汰马体会。传闻马体会放走基沙文、艾华路莫拉达等前锋後，就会向C朗提出斟介。