英超球会阿士东维拉领队谢拉特，日前宣布褫夺泰朗明斯嘅队长资格，苏格兰中场约翰麦甘尼会取代队长一职。对於被谢拉特「搣柴」，泰朗明斯表示乐意接受，会以维拉嘅利益为大前提。

维拉官方声明表示，约翰麦甘尼代替泰朗明斯成为队长，门将达米安马天尼斯出任副队长，而艾舒利杨格就会担任球会事务队长职责。谢拉特表示：「约翰麦甘尼喺比赛同练习入面，展示出佢成为队长嘅能力，而且好受队友欢迎。我会同泰朗明斯解释呢个决定，我相信放低队长责任，可能令佢更专注提升自己嘅表现。」

泰朗明斯喺社交网亦大方表示：「我对领队嘅决定冇任何异议，认识麦甘尼嘅人都知佢感染力好强，喺佢领导下比赛系我嘅光荣。边个做队长并唔重要，最重要系令阿士东维拉嘅利益。」