曾经效力曼联嘅阿根廷门将罗美路近年颠沛流离，上年10月加盟意甲球队威尼斯，但球队包尾降班，佢亦约满离队，辗转之下，依家重返阿根廷，加盟小保加，签约至於2024年12月，终於可以安定落来。

35岁嘅罗美路曾为阿根廷国家队上阵96次，效力过森多利亚、摩纳哥、曼联、威尼斯等球会，效力红魔鬼6季期间可以话系佢球员生涯黑暗日子，仅上阵61次，大部份都系盃赛，仅7次踢英超，被曼联放弃後，加盟威尼斯，上阵16次就黯然离开。

由於罗美路近年睇波多过踢波，已难以喺欧洲主要联赛立足，返回阿根廷搵食，可以获得更多上阵机会，对佢而言都系一件好事。