西甲球队华伦西亚正式宣布，签入自由身嘅乌拉圭前锋卡云尼，双方签约2年。意味呢位35岁射手将可以踢晒欧洲4个主要联赛，意甲、法甲、英超、西甲。

卡云尼今夏约满离开曼联之後，曾传出多间球会有意签佢，最终由华伦西亚争赢，皆因球会管理层及教练加度素一直极力游说佢加盟，以诚意打动呢位老将。

事实上，卡云尼早前亦透露，踢西甲系佢嘅梦想之一，依家终於成真。

卡云尼2007年登陆欧洲球坛，曾经效力巴勒莫、拿玻里、巴黎圣日耳门、曼联，总共上阵615场，射入360球及72次助攻。

佢今次签约2年，意味合约届满时，佢已经37岁，华伦西亚随时系佢球员生涯最後一站。