巴塞隆拿今夏被誉为最成功球会，不但签入好似「罗拔佬」咁嘅世界级前锋，仲以高价出售免费得嚟嘅奥巴美扬，可谓乜都赢晒，喺一轮操作当中，巴塞仲送走一位「队中最富有球员」，佢就系丹麦国脚巴夫韦迪。

31岁嘅巴夫韦迪喺巴塞效力2年半，上阵58场入10球，原本同巴塞仲有两年合约，但巴塞为咗减磅，双方最近达成协议提前解约，而巴夫韦迪亦以自由身转投同市嘅爱斯宾奴，签约3年。

巴夫韦迪除咗踢波，佢仲有另一个身份，就系成功商人，佢嘅身家同收入都系《福布斯》常客，根据该杂志统计，2020年佢嘅全年总收入，只系仅次於美斯。

系商场上，巴夫韦迪嘅生意多元化，近两年佢效力巴塞，佢嘅生意亦拓展到西班牙市场，喺当地经营房地产、餐厅同服装品牌，公司市值2.1亿镑，为咗方便打理生意，佢由巴塞转投爱斯宾奴，一於波照踢，生意继续做。