前祖云达斯捷克中场尼维特，铁汉形象深入民心，系上一代球坛icon，唔少球迷儿时偶像，不过近期一段艳舞影片在网上流传，令呢位祖记英雄形象崩坏，祖记会方暂时未有回应。

现年50岁嘅尼维特，一段影片在网上流传，片中见到呢位前捷克国脚同3位衣着暴露嘅女郎揽埋一旧，热情跳舞，玩得相当开心，呢段影响喺网上流传短短几小时，就超过240万人次观看，引起哄动。

影片流传後，尼维特嘅私生活亦被广泛讨论，报道指佢2019年与结婚长达25年嘅妻子离婚，回复单身，之後曾传过同明星拍拖，而呢段影片亦睇到佢现时过住灯红酒绿嘅生活。

尼维特当年跟随球队降班意乙，再回升意甲，喺球会地位超然，现时任职祖云达斯体育主管要职，不过英雄难过美人关，依家爆出呢单大战3艳舞女郎事件，相当重口味，肯定对球会形象有损害，祖记会方暂时仲未谂到点解画。