「寸王」摩连奴上季教罗马成绩突出，佢嘅个人形象亦系现今球坛最鲜明教头之一，英国着名饶舌歌手Stormzy，最近就请佢帮手喺MV客串，摩连奴摆出一副食指放口嘅高傲表情，首歌入面仲有埋佢亲自演绎自己金句，非常型仔！

Stormzy嘅新歌《Mel Made Me Do It》最近推出，10分钟嘅MV有唔少体育元素，「飞人」保特、短跑女将Dina Asher-Smith同摩连奴都有份客串，其中最瞩目嘅系「寸王」嗰部份，佢MV入面造型贯彻番自己「高傲」嘅人设，歌词入面亦有「我不想像摩连奴一样说话」，呢位罗马教练「占戏」唔少！

除此之外，MV内亦收录摩连奴批评球证嘅经典金句：「我唔想讲嘢，如果我讲嘢，我就会有好大麻烦」。摩连奴亦有喺自己IG贴出同Stormzy嘅合照，为新歌帮手宣传，「寸王」果然识做！