今季降班英冠嘅屈福特，周一(26日)宣布解雇威尔斯籍教头艾华斯，并火速宣布聘请前克罗地亚同韦斯咸领队比历执教，目标系要拎到英冠前2名，下季直接重返英超赛场。

屈福特上季英超降班後，艾华斯喺5月上任接替鹤臣执教，但新球季只系10场就玩完，屈福特发声明表示：「球会决定解雇艾华斯，好多谢佢上任以嚟嘅工作，我哋祝佢未来会有更好发展，屈福特会尽快公布新帅人选。」声明所指嘅「尽快」，原来只系16分钟，屈福特随即公布克罗地亚领队比历将会上任，呢位54岁教头今年1月离开北京国安後，一直未有落班。

屈福特目前10场联赛有3胜5和2负排第10位，落後次名嘅诺域治6分，阵中亦有巴西前锋祖奥柏度、塞内加尔翼锋伊斯美拿沙亚等星级球员，论阵容绝对系英冠顶尖，升班自然系球队嘅目标。