车路士喺新班主保利领导下进行大换血，被誉为「世界最佳防中」嘅尼高路简迪，亦可能会被放弃。据英国《每日邮报》报道，车路士拒绝向呢位法国中场开出4年长约，意味尼高路简迪明年约满後可能自由转会。

报道指现年31岁嘅尼高路简迪，见今季新加盟嘅高列巴尼获开4年合约，佢亦要求有同等待遇，不过车仔认为尼高路简迪近年伤患问题严重，对上3季联赛只系正选踢过20场、24场同21场，所以只愿意开出2年合约。

如果车路士同尼高路简迪未能达成协议，呢位中场今年1月就可以自由同英超以外球会斟介，据报法甲班霸巴黎圣日耳门对佢极有兴趣，明年夏天有望免费将佢收归旗下。