利物浦同曼城将於周日(16日)晚上11时30分交锋，曼城备受睇好可以赢波，球迷好期待艾宁夏兰特今仗会入几多球。

呢位22岁挪威国脚今季踢9场英超已经有15球进帐，如果佢今场再入1球，就可以追平前利物浦名宿苏亚雷斯「10场英超」最多入球纪录。

苏亚雷斯曾於2013年10月至12月期间嘅10场英超入16球，成为英超史上以「10场计算」最多入波嘅球员。

至於艾宁夏兰特由开锣至今，踢9场英超入15球，距离「哨牙苏」嘅纪录只差1球，咁啱今场对手系利物浦，如果夏兰特可以入波打破苏亚雷斯嘅纪录，兼协助曼城赢波，就真系完美。