今届世界盃决赛周即将展开，巴西球星尼马有另类备战计划，就系去做激光美容，令自己睇落更加年轻有活力，比赛时更加有自信。

根据为尼马做疗程嘅美容师透露，呢位30岁前锋今次系接受激光美容，佢话：「今次疗程可以加强皮肤抵抗力，而且令面部更好睇，有助提升自信。」

其实尼马由6年前开始，就一直有做美容疗程，据悉佢嘅皮肤属於敏感型，容易出油，为咗面容整洁，所以要保持接受美容，今次仲系加强版，要以最靓仔形象出战世界盃。

事实上，尼马亦经常参加派对，执靓个样都可以提升魅力，吸引异性。