美国翼锋基斯甸普列锡喺世盃表现唔错，有传几支英超球队包括曼联、纽卡素同阿仙奴都对佢虎视眈眈，普列锡同车路士嘅合约仲有18个月，但唔排除完咗世盃1月就会离队。

上场世盃B组分组赛美国对英格兰一仗，基斯甸普列锡获选为全场最佳球员，据《每日邮报》报道，几支英超球队包括曼联、纽卡素同阿仙奴，都有意签入依名翼锋。24岁嘅普列锡今季喺车路士沦为後备，而且合约得番18个月，所以传出「蓝战士」亦有意喺1月，尽快以3,500万英镑卖走佢。

值得一提，普列锡嘅美国国家队队友马特端拿，正正效力紧阿仙奴，相信「兵工厂」会派出依名後备门将喺世盃期间，游说佢嘅好友加盟。