英格兰早前喺世盃E组第二轮分组赛，只能以0比0打和美国，令唔少球迷感到失望，当中着名色情女星阿斯特丽德（Astrid Wett），都忍唔住批评偶像美臣蒙特嘅表现，「三狮军团」下场对威尔斯真系要加把劲。

21岁色情女星阿斯特丽德，除咗系社交媒体人气明星、OnlyFans模特儿，仲系车路士、美臣蒙特忠实支持者，之前曾经多次公开赞赏依名23岁中场，同埋着波衫入场支持爱队；不过睇完英格兰闷和美国嘅世盃分组赛之後，佢都忍唔住喺社交网站闹爆美臣蒙特：「蒙特我爱你，但依度唔系车路士主场，而系世盃。」

「三狮军团」目前以4分排E组第1，领先第2名伊朗1分，只要下场对威尔斯唔输，或者以大比数落败嘅话，都肯定可以出线16强，但美臣蒙特为咗挽回粉丝嘅爱，相信一定会全力以赴。