威尔斯喺分组赛最後一轮吞英格兰3蛋出局，王牌球星加里夫巴利只系踢半场就被换走，喺呢届好可能系佢最後一场嘅世盃赛事，只系8次掂波就收工，令人惋惜。不过，加里夫巴利赛後表明无意退役，会继续为威尔斯上阵比赛。

威尔斯多年来都系靠加里夫巴利单天保至尊，今届世盃唯一入球亦系由佢所入，已经33岁嘅佢依家踢紧美职，已经进入半收山状态，4年後莫讲话威尔斯唔知入唔入到决赛周，加里夫巴利仲有冇踢波都成疑问。今场对英格兰佢上半场只系掂波8次，半场就因伤被换离场，要坐喺後备席敷住冰睇波，睇住球队连失3球出局。

加里夫巴利赛後表示：「我希望可以继续比赛，只要我仲想踢，我会继续踢落去。今届世盃非常困难，我哋亦踢得唔好，但系能够出线去到决赛周，我哋已经觉得光荣。」