基利安麦巴比周日在世界盃16强战光芒四射，为法国轰入两球，个人今届屡计5个入波，目前在神射手榜排首位，不过，赛後佢话比起个人荣誉，佢更希望法国可以捧盃。

佢今场再获选全场最佳球员，并且接受访问，之前佢曾经攞奖之後拒绝接受访问，并因此令法国足协会收到罚单；有球迷更话佢太过任性，又有人猜测佢因为唔想帮赞助商宣传而拒绝访问。

不过，今场麦巴比领奖後无离开并即接受访问：「有好多人问我点解唔接受访问，其实我只系想专注比赛，踢好今届世界盃。当我要集中注意力就系咁样，我听到法国足协要因此受罚，所以我会畀番罚款，我觉得唔应该由法国足总为我罚钱。」

再提到自己状态愈来愈好，佢话目标就有一个，就系赢冠军，「对我嚟讲，唯一目标就系赢世界盃冠军」，因此即使佢喺神射手以5球领先，但相比之下佢更在乎最後能否捧盃，「我嚟呢度系为左攞世界盃，而非金球奖，如果帮到球队，我又能赢金球奖，当然高兴，但球队先系最重要。」截至目前为止，麦巴比喺世界盃已累积入左9球，其中5球更是在淘汰赛取得。