阿根廷喺世盃决赛击败法国捧盃，表现出色嘅门将达米安马天尼斯人气爆灯，佢赛後被影到走去安慰基利安麦巴比，获网民大赞有大将之风，不过呢位门神原来系双面人，庆祝嗰阵寸爆叫队友为麦巴比默哀1分钟，巡游期间仲继续追击，抱住一个印咗麦巴比个样嘅公仔，讽刺佢畀阿根廷赢到变成「乖宝宝」。

阿根廷捧走世盃冠军，达米安马天尼斯赛後连串行为引起争议，将「金手套奖」放喺下体已经被指唔尊重，叫队友为麦巴比默哀又引嚟批评，估唔到佢巡游期间仍然「放唔低」麦巴比，拎住个「麦巴比BB」向阿根廷广大球迷展示。

达米安马天尼斯同基利安麦巴比点解咁大仇口？原来麦巴比喺世盃前一次访问，曾经话南美足球水平唔及欧洲，估唔到呢句说话就辣着达米安马天尼斯，个「仇」记到依家终於有机会大爆发！