近期气势如虹嘅曼联，1月转会窗准备再添火力，据报佢哋已同比锡达斯倾掂数，将会借用荷兰前锋韦格贺斯半季，呢位前锋已飞抵曼彻斯特做体测，完成後就会签约。有曼迷更提出一个「荷兰定律」，预示曼联将会赢得今季英超冠军！

30岁嘅韦格贺斯今季由般尼外借去比锡达斯1年，所以曼联要签人除咗要般尼同意，亦要得到比锡达斯答应，消息指曼联应承支付300万欧元解约费，成功令比锡达斯同意放人，韦格贺斯周四(12日)被影到现身土耳其机场，起程去英国做体测兼签约。

曼联领队坦哈格同呢位荷兰同胞期望甚高，有球迷更提出一个神奇定律，指出曼联喺02/03球季赢英超冠军，有荷兰前锋云尼斯达莱做神射手；12/13球季赢英超冠军，又有荷兰射手尹佩斯做英超金靴；依家曼联再有荷兰前锋韦格贺斯加盟，有望再次挑战冠军宝座！「红魔鬼」依家只落後榜首阿仙奴9分，後上夺冠唔系冇可能。