周日(19日)凌晨西甲出现搞笑场面，华历简奴球员效法美斯同苏亚雷斯嘅「双人12码」，可惜结果一飞冲天，结果华历简奴亦付出代价被基罗纳逼和2比2。

12码事件发生喺上半场尾段，当时华历简奴已经领先2比1，负责操刀嘅查祖首次主射被救出，但VAR发现基罗纳球员提早冲入禁区，下令12码要重射，查祖第2次操刀就将个波轻轻推前，後上嘅柏拉桑就一射冲天。大难不死嘅基罗纳下半场追和2比2，成功执番1分。

华历简奴今季7个12码只入3球，教练艾拉奥拿赛後表示：「12码嘅问题令人担心，因为佢令球队失好多分，今次呢个12码射法系由查祖同柏拉桑自己决定，我哋要冷静咁倾下，我唯一可以讲嘅系我哋事前冇练习过咁样射12码。」