水晶宫1个月前请鹤臣回巢救亡，成效立竿见影，佢哋周六(29日)主场戏剧性4比3击败韦斯咸，拎到近6场联赛第4场胜仗，领队鹤臣复出只系教6场，赢波次数已经多过林柏特全季！

75岁嘅鹤臣本来已经退休，但水晶宫炒韦拉之後，鹤臣就答应复出救亡，佢上任後6场拎到4胜1和1负。讽刺嘅系，林柏特今季执教爱华顿同车路士，领先打咗23场联赛只得3胜，水晶宫赢韦斯咸後亦超越车路士升上第11位。

水晶宫依家有40分，同尾3踢少场嘅李斯特城有11分差距，虽然数字上仍有机会降班，但鹤臣赛後表示：「讲真，我哋本来谂住最後3轮会系护级生死战，但我可以讲，水晶宫已经唔再喺护级战斗，之後嘅比赛就睇球员可唔可以保持近期嘅水平。」