今晚欧协联4强首回合焦点战，「锤仔帮」韦斯咸主场硬撼阿尔克马尔（AZ）。「锤仔帮」喺英超几近上岸，再冇後顾之忧，而且佢哋於今届欧协联12仗赢咗11场，表现超晒班，遇上阵容不整嘅阿尔克马尔有力抢先机，主胜乃不二之选。（Now 645周五凌晨3时直播）

虽然韦斯咸今季整体表现唔及前两年，幸好日前联赛击败曼联，升上第15位，护级基本上问题不大，可集中火力角逐欧协联锦标。「锤仔帮」连续两年杀入欧洲赛4强，上届踢欧霸畀最终成为盟主嘅法兰克福淘汰，今届於欧协联卷土重来，而且表现大超班，连同外围赛在内，佢哋12次出战豪取11胜1和未输过，前锋米查利安东尼奥更有6球进帐，包括8强次回合对真特梅开二度，中场卢卡斯柏基达更入波兼两度交出助攻，协助球队反胜4比1，两回合赢5比2晋级，赢得极具说服力，今次有主场之利，值得睇好。

另一边厢，阿尔克马尔今届欧协联演出亦不俗，除咗16强淘汰拉素，8强面对安德列治，首回合输两球劣势下，次回合靠柏夫列迪斯省两粒扳平，最终靠互射12码涉险过关。不过柏夫列迪斯就喺嗰场伤出，尽管日前联赛对阿积士已复出，但明显未上力，仲有主力後衞科克斯今仗要坐波监，攻守均受削，造访弗到漏油嘅「锤仔帮」，恐怕凶多吉少。

直播表

周五 3:00am 欧霸 祖云达斯 对 西维尔

 周五 3:00am 欧霸 罗马 对 利华古逊

 周五 3:00am 欧协联 费伦天拿 对 巴素利

 周五 3:00am 欧协联 韦斯咸 对 阿尔克马尔