巴塞隆拿重夺失落4年嘅西甲冠军，值得高兴，不过有传媒发现，原来基沙文又一次完美避开捧盃，喺西甲征战13年，至今仍然系0冠，堪称西甲黑仔王。

基沙文2010年在皇家苏斯达出道，2014年转投刚夺得西甲冠军嘅马体会，之後5季马体会都只能取得西甲2、3名，无缘冠军。

2019年基沙文转投巴塞，但一直无法融入，巴塞亦从此失落西甲宝座，但马体会就喺基沙文离队後第2季再夺西甲冠军。

2021年巴塞将基沙文外借到马体会，马体会即告衞冕失败，皇马封王，最神奇嘅系，去年10月巴塞宣布将基沙文卖断畀马体会，同呢位西甲黑仔王断绝关系之後，巴塞愈战愈勇，终於重夺西甲冠军。