国际米兰周四(25日)凌晨喺意盃决赛，凭拿达路马天尼斯梅开二度，2比1击败费伦天拿成功衞冕，喺欧联决赛斗曼城前振声威。国际米兰今季已经赢咗意超盃同意盃冠军，有望实现「3冠王」美梦。

国米今场开波唔够集中，3分钟就走甩费伦天拿嘅尼高拉斯干沙利斯先落後，不过国际米兰沉着应战，29分钟拿达路马天尼斯追成平手，呢位阿根廷射手37分钟再窝利抽入，助国际米兰反超前。下半场双方互无纪录，最终国际米兰成功衞冕，球会史上第9次赢得意盃冠军。

国米教练施蒙尼恩沙基自2016年执起教鞭後，7年来捧走6个盃赛冠军，包括3次意盃同3次意超盃冠军，被称为「盃赛专家」，佢依家就将目标放喺意甲前4同欧联决赛上：「好开心击败一支强队捧盃，亦证明我哋上季赢意盃唔系幸运，我哋依家要集中踢意甲，之後就系欧联决赛。」