巴黎圣日耳门(PSG)提前赢得法甲冠军後，周日(28日)拉队出席法甲颁奖礼兼搞庆祝派对，绝大部份PSG球员都有出席，不过阿根廷「球王」美斯就选择甩底，更被影到飞返巴塞隆拿，同老友法比加斯一齐去Coldplay嘅演唱会，唔通系回归巴塞隆拿嘅讯号？

即将约满PSG嘅美斯，夺冠第二日就「离队」飞返巴塞隆拿听演唱会，以佢嘅人气当然唔可能冇人发现，会场内观众知道美斯光临，即刻全场大叫「美斯...美斯...」，有网民直指美斯宁愿返巴塞休息都唔参加夺冠庆典，就知佢嘅心意。

至於PSG喺法甲颁奖礼理所当然成为大赢家，基利安麦巴比当选最佳球员，佢同美斯、阿舒拉夫同纽奴文迪斯阿历山大4个PSG球员，亦齐齐入选法甲最佳11人。