巴塞隆拿今季勇夺西甲冠军，教练沙维正为夏天组军准备，佢日前接受西班牙《每日体育报》访问，亲口证实同美斯就转会进行斟介，更扬言球队战术会为美斯而设，希望呢位阿根廷「球王」可以童话式回归。

沙维表示：「我同会长讲，搵美斯返嚟系最合适嘅选择，呢一点唔使怀疑，佢系实践巴塞战术同理念嘅完美人选，我已经构思一个有美斯嘅战术。依家就等美斯作出最後决定......冇错，我一直有同佢联络。」

美斯同巴黎圣日耳门嘅合约即将完结，问题系巴塞隆拿受到财政问题限制，签人前要先腾出薪酬空间，随住布斯基斯、佐迪艾巴等老将离队，巴塞隆拿正式迎接美斯回归做好准备。