巴黎圣日耳门教练加迪亚证实，本周法甲煞科战，PSG主场斗克莱蒙特，将会成为美斯嘅告别战。

加迪亚呼吁球迷要为美斯带来美好回忆：「好荣幸我可以同全球最佳球员合作，美斯系今季球队重要嘅一部分，佢任何时候都准备好上阵。我唔认为任何对佢嘅批评系合理。」

至於盛传巴塞隆拿将於今夏签番美斯，但只闻楼梯响，仍然未达成协议，根据西班牙媒体《Relevo》爆料，指呢位35岁阿根廷球王要求巴塞10日内答覆是否确定签佢，否则可能接受沙特阿拉伯豪门希拉尔邀请加盟。

据悉美斯向巴塞隆拿作出2项要求，首先10日内答覆佢回巢是否可行，皆因巴塞隆拿陷入财困，加上存在薪酬超出西甲上限嘅问题，呢位球王似乎担心一旦重返巴塞，可能无法注册。

第二，美斯要求着番10号球衣，呢件波衫现时由安素法迪拥有，巴塞有意出售呢位20岁新星，就算佢留队，都应该愿意让出10号畀美斯，对於呢项要求，巴塞好易做到。

西班牙《世界体育报》指巴塞隆拿内部预计，西甲赛会下周就会批准球会签入美斯嘅计划。