根据英国《每日邮报》报道，车路士要求中场夏维斯续约，否则今夏就会出售佢，皇马有意签入呢位即将24岁嘅德国国脚，填补中前场人脚空缺。

夏维斯2020年夏天以8,000万欧元(约6.7亿港元)转会费，由利华古逊加盟车路士，虽然呢位球星仲有2年合约在身，但会方要求佢必须尽快续约，保障球会利益，否则就会卖人。

事实上，车路士现时有人满之患，高华锡、基斯甸普列锡、美臣蒙特等多位球员都可能被出售，就算卖埋夏维斯都唔出奇。

皇马3位锋线球员宾施马、夏萨特、马高阿辛斯奥都於今夏离队，需要签入进攻人脚，目标除咗热刺前锋哈利卡尼之外，亦睇中夏维斯，皆因佢技术全面，可以胜任中场同前锋，令教练安察洛堤排阵有更多选择，加上夏维斯年轻，亦有助舒缓皇马老化问题。