罗马教练摩连奴喺欧霸盃决赛後，公然侮辱执法球证安东尼泰莱，完场後甚至喺停赛车「埋伏」，再一次向该英格兰球证破口大骂。欧洲足协周四(22日)宣布罚摩连奴停赛4场，新一季欧霸盃头4轮分组赛，「寸王」都唔能够督师。

罗马喺欧霸盃决赛不敌西维尔後，摩连奴直靠安东尼泰莱同VAR团队「偏帮西班牙」，随後又喺停车场内爆粗辱骂安东尼泰莱，结果换嚟4场停赛处分。罗马上季喺意甲排第6位，新一季将会再战欧霸盃，摩连奴留队嘅话将缺席头4轮赛事。

另外，韦斯咸喺欧协联决赛对费伦天拿一仗，有球迷向场内掷物，掟到费伦天拿队长基斯坦奴比拉基头破血流，欧洲足协宣布，罚韦斯咸2场欧洲赛作客禁止卖飞畀球迷，其中1场缓刑2年，意味韦斯咸喺新一季欧霸盃首场作客，唔会有球迷入场。