阿根廷世盃冠军功臣迪马利亚效力祖云达斯1季後即将离队，下一站据报系重返13年前效力过嘅宾菲加，将於日内签约作实。

迪马利亚年届35岁，仲未想退休住，亦未跟随其他球星去中东掘金，而系选择重返成名地宾菲加，2007年佢首次登陆欧洲嘅首支球队，就系宾菲加，当年佢效力3季，上阵124场入15球28助攻，之後先至转投皇马。

转会专家Fabrizio Romano证实，迪马利亚将於日内同宾菲加签约，随队征战葡超及欧联。报道指，迪马利亚今次回巢，其阿根廷国家队队友奥达文迪落咗唔少嘴头，嚟紧两位阿根廷老臣子，将会一前一後为宾菲加效力。