今届U21欧国盃神奇球队，非以色列U21莫属，呢支诏去从未突破分组赛嘅球队，今届过关斩将杀入4强，其中门将普列斯更技惊四座，有望成为捷克名将施治後，第2个获选赛事最佳嘅门将！

以色列U21今届表现神勇，22岁嘅普列斯首仗对德国U21两度救出12码，帮球队抢走宝贵1分；8强战互射12码淘汰格鲁吉亚U21，普列斯再次救出对方射门，呢位「12码专家」毫无疑问系最大功臣。

以色列U21领队卢桑表示：「喺2013年嘅U21欧国盃(以色列举办)，迪基亚系赛事最佳门将，依家以色列拥有呢个年龄组别嘅欧洲最佳门将！」

当年迪基亚协助西班牙U21赢得冠军，不过赛事最佳球员就由堤亚高艾简达拿夺得，对上一次有龙门赢得U21欧国盃最佳球员，就要数到2002年嘅捷克门神施治。