英超球会白礼顿周二(4日)宣布，用1,630万镑(约1.62亿港元)向安德列治收购荷兰门将云布根(Bart Verbruggen)。20岁嘅云布根个名同经典卡通《阿森一族》主角Bart一样，白礼顿亦模仿呢套卡通嘅片头做「花式官宣」，相当有趣。

白礼顿喺社交网用一条短片做官宣，将卡通片头The Simpsons改为The Signing，原装片头系Bart喺黑板被罚抄，白礼顿就安排云布根喺黑板抄「我签约白礼顿」，成条片够晒创意，唔少球迷都非常受落。

云布根系荷兰U21国脚，今年3月份亦曾被召入荷兰大国脚名单，白礼顿领队迪萨比表示：「好开心签到云布根，佢嘅踢法同白礼顿嘅要求好相似，我深信佢可以好快融入球队，未来几年将会成为球队非常重要嘅球员。」