曼联完成收购门将奥拿拿後，依家会集中火力收购前锋，阿特兰大嘅贺兰特就系头号目标，该支意甲球队主帅加斯柏连尼日前受访，承认好难预料贺兰特会唔会留低，但就首次公开「价格」，话至少要8,000万欧元(约6.96亿港元)先至合理。

加斯柏连尼表示：「贺兰特绝对系好球员，但佢仲有好大进步空间，佢有潜力成为世界最佳前锋。我唔知佢会唔会留队，呢个市场好难预料，如果真系走，我希望球会会收到8,000万欧元至1亿欧元转会费，因为佢就算唔系欧洲最佳年轻前锋，但系其中之一！」

据报曼联同阿特兰大已就转会费进行磋商，但8,000万欧元转会费明显超出曼联嘅预算，有传曼联可能会用巴西中场费特作为交易筹码之一。