意大利传媒报道，智利前锋阿历斯山齐士同国际米兰原则上达成协议，以自由身回巢，签约1年。

34岁嘅A山2019至22年效力国米3季，上阵109场入20球，赢过意甲及意盃等锦标，上季约满自由身离队转投马赛，上阵44场入18球3助攻，状态仲保持到，但A山未有同马赛续约，亦拒绝来自沙特嘅多份报价，一心谂住重返国米，终於畀佢望到。

记者Nico Schira报道，A山同国米原则上达成协议，双方将会签约1年至2024年，佢只系离开国米1年，同现有班底夹开，相信可以即签即用。