皇家马德里今夏重金签入英格兰新星祖迪比宁咸，估唔到开咧已经「值回票价」，祖迪比宁咸喺皇马嘅角色更加进攻，开咧2场联赛入3球，佢已定下今季入至少15球目标，就连云尼斯奥斯祖利亚都大赞佢系「最佳拍档」。

祖迪比宁咸同云尼斯奥斯祖利亚、洛迪高高斯组成进攻铁三角，2场联赛已入3球，呢位英格兰国脚表示希望打破个人入球纪录，佢上季喺多蒙特各项赛事入14球，即系今季入15球已经可以达成目标，以佢嘅状态可以话毫无难度。20岁嘅祖迪比宁咸表示转会短时间内，佢已经有大幅进步：「我系一块海绵，队友、教练嘅所有说话都畀我吸收晒，我觉得自己比上季已经进步10倍！」

巴西前锋云尼斯奥斯祖利亚对呢位新队友亦赞不绝口：「祖迪比宁咸系最完美嘅进攻拍档，佢可以继承宾施马位置，为球队带嚟入波、助攻同悦目嘅足球。」