今个夏天盛传获巴黎圣日耳门同沙特球会斟介嘅贝拿度施华，周四(24日)宣布同曼城续约至2026年，粉碎离队传闻，呢位葡萄牙球星表明喺曼城已「习惯胜利」，承诺会继续创造更多历史。

29岁嘅贝拿度施华喺2017年加盟曼城，拎过5次英超冠军同1次欧联冠军，佢续约後表示：「今季系我喺曼城第7季，球队所赢得嘅奖盃已经令我梦想成真，曼城已经代表胜利、冠军，我听闻英超从未有球队试过4连冠，所以我想挑战呢个纪录，我哋会继续尝试创造更多历史。」

贝拿度施华选择留队，不过另一球星拿朴迪就宣布离开曼城，以2,350万镑(约2.35亿港元)转会费加盟艾纳斯，佢哋社交网发出告别信：「我喺曼城度过5年半永世难忘嘅日子，有太多嘅回忆，我会永远将佢保存喺心入面......」