阿仙奴将於周六(26日)晚英超主场对富咸，赛前兵工厂主帅阿迪达公布好消息，前锋加比尔捷西斯已经伤愈，并准备好今仗复出上阵。

加比尔捷西斯因为膝部旧患复发，喺8月初做手术治疗，原本预计需要休息6个星期，呢位26岁巴西国脚康复进度比预期好，日前已经复操，阿迪达依家更加表示，呢位绰号「耶稣仔」嘅射手可以上阵对富咸：「我好开心见到捷西斯复操，佢季前开刀对於球队系一大打击，幸好佢现时状态唔错，近1星期可以完成全课操练，已准备好上阵。」

至於加比尔捷西斯会唔会担任正选斗富咸，阿迪达就话拭目以待。加比尔捷西斯上季英超上阵26场入11球，佢复出可望提升阿仙奴攻力。