曼联周日(10日)宣布，卷入家暴丑闻嘅安东尼马菲奥斯将延迟归队直至另行通知，呢位巴西球星亦发声明话接受安排，并随即进行大反击，佢周一(11日)喺IG公开同前女友Cavallin嘅情慾对话截图，反击女方其中一项指控，誓要帮自己拎番清白。

喺曼联发出延迟归队声明後，安东尼亦发声明回应：「喺我面对指控期间，我同意暂时离开曼联，呢个决定系我哋双方同意，避免队友分心，同埋令球会陷入不必要争议。我强调我系清白，亦会全力配合警方调查搵出真相，期待早日回归球场。」

安东尼暂别曼联，立即出招反击指控，根据Cavallin提出嘅4次袭击当中，其中一次系上年佢去英国工干，同安东尼见面期间被要求上床，Cavallin拒绝後就被推向墙兼打头。安东尼周一喺IG公开数张whatsapp对话，内容包括Cavallin话会「全裸喺床上等你」等情慾对话，证明女方讲大话。