曼联新签丹麦前锋海伦(前译：贺兰特)加盟後人气高企，上仗对阿仙奴後备上阵表现对办，不过球迷发现，无法购买印佢名字嘅波衫，原因系曼联官方商店丹麦字母「?」缺货，要等多几日，球迷丧闹球会业余同无能。

其实「?」字母喺北欧好常见，系英文字母oe嘅简写，喺丹麦同挪威嘅元音字母，阿仙奴嘅马田奥迪加特都系用「?」，而且曼联签入海伦已经一段时间，仲因为佢背部有伤而延迟首演，结果拖到依家差唔多一个月，印佢名字嘅波衫都未有得卖。

有球迷上周五到官方商店查询海伦波衫情况，结果被告知「?」字冇货，要等多几日，引起球迷强烈不满，认为曼联会方办事不力，由卖波衫已反映球队冇件事做得好。