曼联喺欧联作客输畀拜仁慕尼黑，唔少球员嘅表现都受到批评，据《曼彻斯特晚报》嘅曼联跟队记者爆料，有部份球员喺呢场大战「揸流摊」，虽然佢冇开名指边个「放水」，不过网民就认为麦沙米尼系其中之一。

曼联跟队记者路克靴斯爆料：「曼联输畀拜仁并唔意外，最大嘅退步系部份球员已经唔愿意尽力比赛，坦哈格喺开季输畀热刺後，话有球员缺少跑动，同一个问题又再出现。」虽然路克靴斯并冇点名，但网民就认定麦汤米尼系「揸流摊」球员。

麦汤米尼对拜仁一战69分钟先至入替，但10分钟後佢喺一次进攻被乌柏美卡奴抢走个波，当乌柏美卡奴截击後全速推进，好气好力嘅麦汤米尼竟然放弃回追，只系散步式咁回身慢跑，令曼迷睇到眼火爆。