曼联前锋海伦上周中欧联对拜仁慕尼黑，取得成「魔」後首个入波，当全世界以为呢位身价高达7,200万镑嘅射手入波将会陆续有来嘅时候，点知佢周日(24日)凌晨英超对般尼，表现令人失望，被着名足球网站《SofaScore》评为全场最低分球员。

海伦今仗踢足全场，但只有3次射门，并且全部唔中目标，亦冇成功扭过对手，即使佢有1米92身高，但争顶同地面对抗成功次数都系0。最离谱系31次触球，有10次失去控球权，成为球队进攻「断缆」嘅罪魁祸首。

最讽刺系海伦反而防守方面有建树，有5次解围，难怪网民寸领队坦哈格继上季借用韦格贺斯之後，又签入1位「防守型」前锋。

《SofaScore》将海沦评为6.4分，成为两队正选球员之中唯一得分低过7分嘅球员，认真失礼，实在令人担心曼联又重金买咗「水货」。