车路士开季成绩差已经搞到普捷天奴一头烟，小将马杜基仲要唔生性，养伤期间出去蒲，仲有片段流出，报道指普捷天奴已经搵过马杜基「照肺」，向佢发出警告。

21岁嘅马杜基上季加盟车路士，上阵15场入2球，近期因伤缺阵3场，早前国际赛档期为英格兰U21上阵，之後就流出外蒲片段，话佢养伤期间出去玩。

普捷天奴日前表示，对於马杜基嘅片段，已经同球员讨论过，佢话：「所有球员都要知道，当你系车路士球员，就要避免呢啲事情。」