AC米兰前锋基奥特上场联赛客串守龙，完场前作出关键扑救成为赢波英雄，赛後AC米兰官网亦将佢「转移」去门将行列致敬，估唔到连意甲赛会都陪佢哋癫，日前公布上周意甲最佳阵容，基奥特竟然以门将身份入选！

AC米兰1比0赢热拿亚一仗，门将迈治兰喺98分钟被逐，基奥特只系客串几分钟，已经作出精彩扑救帮球队赢波。意甲周一(9日)公布每周最佳阵容，基奥特就成为AC米兰唯一入选球员，箭头位置由罗马前锋卢卡古赢出。

对於意甲赛会呢个做法，虽然系够晒噱头，不过唔少球迷觉得作为官方机构，咁样「玩嘢」系会削弱公信力，亦系对其他意甲门将嘅不敬。