喺曼联未受重用嘅英格兰中坚哈利马古尼，据报获得AC米兰等多间意甲球会垂青，「红黑兵团」有意喺明年1月转会窗提出斟介，如果成事嘅话，哈利马古尼将会同汤姆利组成「三狮中坚」组合。

据《talkSPORT》报道，多间意甲球会对马古尼有兴趣，AC米兰就打算喺1月同韦斯咸拗手瓜，但未透露会用收购定借用方式完成，韦斯咸夏天曾开价3,000万镑(约3亿港元)获接纳，只系最终倾唔掂个人条件。

唔少喺英超发展唔如果嘅英格兰中坚，去到意甲都大放异彩，前曼联中坚基斯史摩宁嘅成为罗马主力，而汤姆利喺AC米兰亦受到好评，「红黑兵团」今季仲签入英格兰中场罗夫度斯卓克，有咁多同胞一齐，哈利马古尼转会都唔怕寂寞。