转投曼城1年半但几乎冇踢过嘅加云菲腊斯，为增加上阵机会正寻求转会，消息一出英超各队注目，利物浦、纽卡素、热刺、韦斯咸，同埋意甲祖云达斯都表示兴趣。

「转会专家」罗曼诺报道，预计加云菲腊斯会於明年1月转会窗离队，根据传媒报道，祖云达斯、利物浦、韦斯咸同纽卡素都会斟介，最新消息热刺都会加入战团，签入加云菲腊斯全力争标。

曼城主帅哥迪奥拿被问到加云菲腊斯上阵时间，佢咁样讲：「加云菲腊斯喺各方面都好出，我都想畀多啲机会佢，点解佢冇得落场？因为洛迪卡斯简迪系我哋关键球员。」