荷兰中场赖恩格云贝治今季转投利物浦後，表现稳步上扬，佢之前因为拒绝荷兰U21徵召而被足总「封杀」，不过荷兰领队朗奴高文日前证实封杀令已经解除，呢位21岁中场如果可以继续有好表现，重返荷兰国家队指日可待。

赖恩格云贝治喺9月份拒绝荷兰U21徵召，被朗奴高文等公开批评兼「封杀」，不过朗奴高文近日转口风：「呢件事(拒绝徵召)已经完结，我明白佢嘅原因，但呢个行为点都要受罚。如果佢继续依家嘅进步，佢会再返国家队，我哋就嚟出线欧国盃，格云贝治绝对系我哋重点考察球员之一。」

赖恩格云贝治今季已喺12场赛事上阵，当中有7场系正选，正选上阵次数已经多过佢上季效力拜仁慕尼黑嘅数字，而且已有2个入波同1次助攻。利物浦领队高普早前表示：「赖恩格云贝治系个好好嘅球员，更加好嘅系，佢仲有好大嘅进步空间。」