西班牙将於周五(17日)凌晨欧国盃外围赛作客塞浦路斯，「斗牛兵团」已提早取得出线权，领队富安迪趁机试用新人，包括首次召入基罗纳中场阿历斯加西亚，呢位26岁国家队初哥曾经效力曼城，跟随哥迪奥拿学嘢，踢法亦有哥帅昔日影子，今季表现大熟大勇，成为西班牙1位奇兵。

阿历斯加西亚曾於曼城青年军受训，其後转投维拉利尔，2015年重返曼城，直至2020年正式离队，虽然大部份时间被外借去其他球队，但仍有唔少机会喺「蓝月亮」主帅哥迪奥拿身上学习。阿历斯加西亚踢法亦同哥帅球员时代相似，2人都系司职防守中场，亦具备优秀阅读球赛能力，传波准绳独到。

阿历斯加西亚今季西甲已入3球及4次助攻，成为基罗纳排榜首嘅功臣，佢被誉为自哥迪奥拿、沙维之後，西班牙罕有嘅「大脑型」指挥官，睇嚟富安迪已搵到出战明年决赛周最後一块并图。