曼联喺英足盃以2比0击败韦根，翼锋阿密特迪亚路、中场基斯甸艾历臣都冇份入选大军名单，原来2人又再次受伤，令红魔鬼今季球员受伤次数增加至38人次。

阿密特迪亚路上年8月初因为膝部受伤，直至上月底英超对诺定咸森林先至复出，当时佢只系後备上阵踢咗大约40分钟，但近日又再次受伤，未知需要抖几耐。

至於基斯甸艾历臣上年11月中受伤，曾经休息超过1个月，过去2场都踢正选，今仗因伤缺阵，令曼联现时伤兵多达12人。

领队坦哈格早前表示，多位伤兵可以喺1月复出，但话口未完又增添2位「十字兵」，恐怕会打乱呢位荷兰名帅嘅部署。