英联盃4强次回合，车路士再斗米杜士堡。首回合米堡领先1比0，今场车路士返主场出击，势必全力搏杀以求收复失地，但球队最大问题系攻力不足，英冠球队米堡1球领先，预计今场作客史丹福桥球场会摆铁桶全力防守，加上车仔近4场英联盃全开3球或以下，今场入球唔会多，再追3.5球入球细。（HOY TV 77台周三凌晨4时直播）

「蓝战士」英超无力争冠，只能寄望盃赛，英联盃系佢哋捧盃希望，但无奈嘅系首回合仍然输波，睇番上场数据，虽然压住对方嚟攻，控球率超过7成，射门18次，但都入唔到波，前锋把握力不济系大问题，好在佢哋主场成绩唔错，近6次主场5胜1和，包括上场英超凭高尔彭马一箭定江山，小胜富咸1比0，今场对米堡预计系攻防战，但相信入波唔会多。

米堡系英联盃4强唯一低组别球队，依家喺首回合1球在手，今场只要唔失波或打和就可晋级决赛，全队上下都以此为作战目标，米堡主帅前曼联名将卡域克有丰富英超经验，球队喺佢执教下踢法硬朗，首回合已经证明球队有能力抵挡车路士强攻，而且佢哋作客成绩甚佳，英冠作客成绩排前5，近5场作客更录得4胜1负，今场到访史丹福桥球场随时顶到尾，细盘捧得过。