巴黎圣日耳门（PSG）官网宣布，推出美斯金球奖主题NFT（非同质化代币），以纪念美斯获得第7座金球奖，以及加盟PSG点滴。

报道指，美斯NFT「金球奖#7」，内容系1分半钟嘅影片、图像及动画，讲述美斯加盟PSG、首次亮相、首个入波，以及获得第7座金球奖嘅片段，将以数字格式永存，4月26日拍卖。

毫无疑问PSG喺呢方面行得好前，早前有报道美斯加盟嘅薪酬，有部份系以PSG发行嘅加密货币支付，美斯加盟时货币价格系19.14欧元，但欧联出局後，币值下跌至13.11欧元，据报美斯因此损失数百万欧元。

PSG签入美斯暂时嚟讲唔算系好deal，法国传媒指，美斯喺巴黎年薪系税後3000万欧元，暂时美斯喺法甲仅攻入3球，每个入球代价系1000万欧元，如果净计入波，PSG真系呻笨。

不过美斯亦交出13个助攻，加上佢嘅名气，依家再推出金球奖主题NFT，呢啲交易做得顺利嘅话，一铺翻本冇问题，再赚几十倍都仲得。